माझा ठाणे लोकसभा मतदारसंघातील मीरा भाईंदर महानगरपालिकेतील पावसाळ्यापूर्वी नगरसेवकांच्या प्रभागातील प्रलंबित कामे मार्गी लागावी यासाठी आज मीरा-भाईंदर आयुक्त दिलीप ढोले यांच्या दालनात बैठक आयोजित केली होती.
वृक्ष छाटणी ,नाल्यांच्या दुरुस्ती, प्रभागातील काही उद्यानातील जॉगिंग ट्रॅक तसेच विकास कामांसाठी निधी आवश्यक असलेली कामे मार्गी लावण्यासाठी यावेळी आयुक्त महोदयांसोबत सोबत चर्चा झाली.
पावसाळ्यापूर्वी नाले सफाई, एसटीपी पंप हाऊस यांची दुरुस्ती तातडीने करून घ्यावी तसेच या पावसाळ्यात ड्रेनेज लाईन, पाण्याची लाईन या कामांना प्राधान्य देऊन ही कामे अधिकाऱ्यांकडून तातडीने मार्गी लावावीत तसेच डम्पिंग ग्राउंड येथे साठलेल्या कचऱ्याची विल्हेवाट जलद गतीने लावावी अशी विनंती यावेळी आयुक्तांना केली. सन्माननीय आयुक्तांनीही हे प्रश्न मार्गी लावण्याच्या सूचना अधिकाऱ्यांना दिल्या.
यावेळी या बैठकीस माझ्यासोबत आमदार गीता जैन, जिल्हाप्रमुख प्रभाकर म्हात्रे, विरोधी पक्षनेते प्रवीण पाटील ,माजी विरोधी पक्षनेते राजू भोईर, गटनेत्या नीलम धवन , महिला जिल्हा संघटक स्नेहल सावंत व शिवसेना नगरसेवक दिनेश नलावडे ,धनेश पाटील, कुसुम गुप्ता, तारा घरत ,स्नेहल पांडे, जयंतीलाल पाटील ,वंदना पाटील ,अनंत शिर्के, कमलेश भोइर ,परशुराम म्हात्रे, अश्विन कसोदिया, हेलन जॉजी गोविंद ,शर्मिला बगाजी ,एलियास बंड्या तसेच अधिकारी उपायुक्त संजय वाघमारे ,उपायुक्त मुख्यालय विजय कुमार म्हसाळ ,शहर अभियंता शिवाजी बारकुंड ,दीपक खांबित व इतर अधिकारी मोठ्या संख्येने उपस्थित होते तसेच उपशहरप्रमुख अशोक मोरे ,केसरीनाथ पाटील व इतर शिवसेना पदाधिकारी मोठ्या संख्येने उपस्थित होते.